MONOLOG
Monolog mangrupa salah sahiji wangun
nyarita saarah. Hartina teu aya interaksi antar panyatur. Anu kaasup kana
wangun nyarita monolog nya éta biantara, ceramah, hutbah, orasi, ngadongéng
maca puisi atawa deklamasi jeung maca carpon.
Istilah monolog asalna tina kecap
mono (hiji) jeung log; logi; logos (élmu). Lian ti éta, Jhon M. Echol jeung
Hasan Shadily dina Kamus
Inggris-Indonesia (385:1988) nuliskeun yén harti kecap monolog (monologue) téh nya éta nyarita sorangan.
Upama dipatalikeun jeung kajian élmu elmu terapan nu ngeunaan seni nyarita,
monolog ngandung harti kagiatan nyarita pikeun nepikeun kareteg haté, maksud,
atawa informasi ti saurang jalma ka jalma séjén. Dina widang seni sastra, kecap
monolog leuwih loyog ditujulkeun pikeun kagiatan seni peran jeung téater.
Istilah monolog mimiti diwanohkeun
taun 1964 di Hollywood nu mekar jadi sarana seni jeung téater. Salah saurang
tokoh nu ngagagas monolog nya éta charlie caplin. Monolog ogé mindeng kapanggih
dina pintonan film-film komedi, horror, jsb.
Monolog dina seni adegan kayaning
drama sok disebut drama/sandiwara tunggal lantaran biasana midangkeunnana
dilakukaeun ku saurang palaku tunggal. Sedengkeun dina seni sastra upamana waé
dina carpon, dongéng atawa sajak mah diwangun ku kecap-kecap atawa omongan nu
diébréhkeun kaayaan nu karandapan saurang tokoh boh dirina boh jalma séjén
Tidak ada komentar:
Posting Komentar