DIALOG

DIALOG

A.    Wangenan Dialog

                  Numutkeun élmu komunikasi anu disebut dialog téh nya éta élmu ngeunaan rupa-rupa kagiatan nyarita nu dilakukeun ku papada jalma. Dina kamus basa sunda sacadibrata (2005:348) aya kecap sawala nu hartina parebut bebeneran; nyawalakeun; nyalahkeun pertimbangan batur; bari nerangkeun pertimbangan sorangan; maduan.

                  Sacara étomologis kecap dialog diwangun ku dua kecap nu asalna tina basa yunani, nya éta dié (dia) nu hartina jalan baku; cara jeung logos  nu hartina kecap. Jadi singgetna mah kecap dialog téh ngandung harti kumaha carana jalma ngagunakeun kecap.

                  Istilah dialog ceuk merriam dina (webster.com) dihartikeun hiji paguneman timbal balik antara dua jalma atawa leuwih. Ari Hans George Gadamer mah tina (kaosblog.com) ngagambarkeun dialog téh mangrupa hiji prosés komunikasi anu dilaksanakeun  ku dua pihak nu papada paham kana pasualan anu keur disanghareupan kalayan muka dirina pikeun narima cara pandang (kaman-dang) atawa saran ti batur nu diajak dialog téh dijadikeun bahan tinimbangan

                  Cindekna yén nu disebut dialog téh nya éta kagiatan nyarita anu diwangun ku sababaraha urang jalma pikeun madungdengkeun hiji pasualan atawa prosés komunikasi anu dilakukeun ku dua pihak pikeun ngayakeun tuker pikiran nu di pungkas ku ayana kasuluyuan ti dua belah pihak minangka putusan ahirna.

B.     Prinsip-Prinsip Dialog

                  Sacara umum aya sababaraha prinsip dina dialog nya éta :

1)      Aya hiji masalah anu jadi jejer padungdengkeunana

2)      Silih tuker informasi jeung pamikiran dina wilayah pangalaman anu beda

3)      Masing-masing jalma anu kalibet bisa nepikeun jeung narima pamadegan

4)      Nyiptakeun hubungan anu harmonis sarta ngupayakeun lajuning laku tina hasil nu geus jadi kamupakatan

5)      Leuwih ngutamakeun mikir rasional tinimbang émosi

C.    Unsur-Unsur nu Ngawangun Prosés Dialog

                  Sawatara hal umum anu kaasup kana unsur-unsur anu ngawangun dialog diantarana (1) ayana jejer anu diadu-rényomkeun sarta (2)palaku, nya éta bisa diwangun ku pangjejer atawa pamilon. Dina prungna dialog, aya sawatara unsur anu perlu diperhatikeun sangkan nyumponan kaédah-kaédah kalawan sistematis jeung pragmatis, nya éta :

1)      Ngabadamikeun hiji topik

2)      Tumuwuh kasadaran pentingna ngaréngsékeun masalah

3)      Masing-masing boga hak pikeun nepikeun pamadegan

4)      Aya kasanggupan pikeun kompromi

5)      Patuh kana tata tertib sawala

6)      Maham kana masalah anu disawalakeun

7)      Sanggup mikir bébas jeung lugas

8)      Mahér ngaregepkeun, ngajéntrékeun, jeung nganalisis

9)      Anggup narima pamadegan batur nu bener

          

           Lian ti éta aya sarana nu perlu aya dina dialog nya éta:

a)      Jejer dina makalah/ materi anu dipidangkeun

b)      Aya tanggapan jeung bahasan kana materi anu dipidangkeun nu ditepikeun ku panyatur séjénna

c)      Aya tanggapan, patalékan, jeung koméntar séjénna ti pamilon

D.    Rupa-Rupa Wangun Dialog

                  Istilah dialog leuwih anteub upama disebut diskusi atawa sawala kelompok. Ieu dihandap aya sababaraha rupa wangun dialog diantarana

·         Diskusi panel

·         Brainstorming

·         Debat

·         Simposium

·         Kolokium

·         Fishbowl

·         Sidang

·         Buzz group

·         Policy making group

·         Roll play