HAKÉKAT NYARITA

HAKÉKAT NYARITA

A.    Nyarita Mangrupa Prosés Komunikasi

                  Komunikasi disebut ogé lumangsungna prosés nepikeun jeung narima amanat, talatah, omongan atawa informasi anu dipilampah ku dua jalma atawa leuwih. Sedengkeun anu dimaksud prosés té nya éta interaksi vérbal antara paregep jeung panyatur. Jadi tegesna mah dina prosés komunikasi aya anu nyarita, nu ngaregepkeun jeung aya nu dicaritakeun.

                  Kagiatan komunikasi nu ilaharna dina kagiatan sapopoé lumangsung ngaliwatan basa, bisa ku cara lisan atawa tulisan. Komunikasi lisan ilaharna disebut nyarita. Nyarita mangrupa salah sahiji kamampuh ngagunakeun basa anu dipibanda ku unggal jalma. Hubungan papada jalma moal bisa lumangsung kalawan normal saupamana teu dibarengan ku ayana prosés nyarita, sabab kagiatan nyarita salawasna bakal karandapan dina unggal aspek kahirupan. Ku kituna hakékatna mah nyarita téh mangrupa hiji prosés komunikasi. Prosés komunikasi téh ku stuart jeung kenneth zimmer mah disebutna amanat ti hiji sumber ka sumber séjén.

B.      Watesan nyarita

C.    Tujuan Nyarita

                  Tujuan anu utama nyarita nya éta pikeun komunikasi. Tujuan umumna nya éta pikeun :

1.      Ngarojong

2.      Ngayakinkeun

3.      Migawé / milampah hiji hal

4.      Ngalaporkeun atawa nepikeun informasi

5.      Ngabubungah atawa ngahibur batur,jsté

           Sedengkeun tujuan hususna nya éta diluyukeun jeung hal-hal anu rék dicaritakeun sarta nyoko kana tujuan umum anu rék dihontal salila kagiatan nyarita lumangsung.

               Dumasar kana élmu komunikasi, tujuan nyarita dibagi jadi sababaraha bagian nya éta:

Ø  Nepikeun informasi/ ngajar/ ngalatih

Ø  Méré sumanget/ ngarojong

Ø  Ngarayu/ ngolo/ ngayakinkeun

Ø  Nalungtik

Ø  Ngahibur

Ø  Runding/ badami/ debat

               Nyarita ogé miboga tujuan pikeun ngalaporkeun bisa dilaksanakeun ku unggal jalma sacara individual atawa klompok diantarana waé pikeun :

·         Nepikeun pangaweruh

·         Nepikeun hasil panalungtikan jeung pangalaman

·         Nerangkeun atawa ngajéntrékeun hiji kajadian

·         Medar atawa nafsirkeun hasil pangalaman maca hiji buku atawa tulisan

·         Nangtukeun hubungan antara hiji barang jeung barang séjénna

           Sajaba ti tujuan saperti anu di tétélakeun di luhur nyarita ogé miboga fungsi pikeun:

1)      Miara hubungan sosial

2)      Ngarawat/ ngariksa warisan budaya

3)      Ngaréalisasikeun diri

4)      Dinamika sosial

5)      Mindahkeun ajén budaya

D.    Mangpaat Mahér Nyarita

1)      Ngurangan rasa waswas jeung gugup dina nyanghareupan jalma réa

2)      Ngalatih numuwuhkeun kapercayaan diri

3)      Ngalatih téhnik sora/ artikulasi

4)      Nyangking daya pérsuasi

5)      Ngabina kamampuh pédagogis jeung psikologis

6)      Nambahan pangaweruh kabeungharan kecap

7)      Ngabina kamampuh ngaéksprésikeun diri

8)      Ngalancarkeun prosés komunikasi

9)      Teu hésé dina mangruhan jalma séjén

10)  Miboga sikep silihajénan

11)  Mibanda sikep positif ka sasama

12)  Parigel sarta mibanda kakuatan dina mertahankeun pikiran atawa pamadegan

13)  Teu cupet jeung nutup diri

14)  Ngalegaan pangaweruh hususna ngeunaan sumber informasi

15)   Lancar dina campur gaul jeung komunikasi papada jalma.

16)